Grozniydagi terakt — 2014-yil 5-oktabrda sodir boʻlgan[1][2][3].
Yakshanba kuni kechqurun Rossiyaning Grozniy shahrida shahar kuniga bagʻishlangan konsert boʻlib oʻtishi kerak edi. Huquqni muhofaza qilish xizmati xodimlari konsert zali yaqinida oʻrnatilgan metall detektorlarda shubhali yigitni payqab qolgan[4]. Ayrim maʼlumotlarga koʻra, u oʻzini huquq-tartibot organi xodimi sifatida tanishtirgan. Hujjatlarini koʻrsatish soʻralgan zahoti portlovchi qurilma ishga tushgan. Keyinchalik maʼlum boʻlishicha, portlovchi qurilma shahid kamariga tikilgan minomyot snaryadi boʻlgan. Toʻrt nafar politsiya xodimi voqea joyida halok boʻlgan. Beshinchisi esa tez yordam mashinasida vafot etgan. Yana 12 nafar politsiyachi yaralangan[5].
Xudkush-terrorchining shaxsi aniqlanganda maʼlum boʻlishicha, u ikki oy oldin uydan chiqib ketgan Grozniyning Staropromislovskiy tumanida tugʻilgan 19 yoshli Apti Mudarov boʻlib chiqqan[6]. Qarindoshlari uning qayerda va nima ish qilayotganini bilmagan. Biroq huquq-tartibot idoralari Mudarovning jinoiy guruhga aʼzo boʻlgani haqidagi maʼlumotga ega boʻlib, uni faol ravishda qidirgan. Tergov maʼlumotlariga koʻra, xudkush-terrorchi shahar kuni munosabati bilan oʻtkazilayotgan konsertda oʻzini portlatib yubormoqchi boʻlgan, biroq bunga erisha olmagan va odamlarning oʻlimiga qaramay, konsert baribir oʻtkazilgan[2].
18-oktabr kuni esa terakt tashkilotchisi Aslan Alisxanov tezkor maʼlumotni amalga oshirish jarayonida yoʻq qilingan. Operatsiya paytida xavfsizlik kuchlari va tinch aholi vakillaridan hech kim jabrlanmagan[7].